आगो बस्तीमा पस्दा १५ वटाभन्दा धेरै घरगोठ जले, दुई जना घाइते

गुल्मी । गुल्मीको सामुदायिक वनमा लागेको आगो बस्तीमा पस्दा १५ वटाभन्दा धेरै घरगोठ जलेका छन् । इस्मा गाउँपालिकामामा डढेलोमा परेर दुईजना घाइते समेत भएका छन् ।

आगो निभाउन कोशिस गरे पनि निकै ठूलो भएको र हुरी चलिरहेका कारण निभाउन समस्या भएको प्रहरीले जनाएको छ । गुल्मीका अरू चार ठाउँमा पनि ठूलो डढेलो लागेको छ ।

इस्मा गाउँपालिका वडा नम्बर २ को सामुदायिक वनमा ठूलो डढेलो लागिरहेको छ । डढेलोका कारण एकजना ट्याक्टर चालक र एकजना डोजर चालक घाइते भएको गुल्मी प्रहरीले जनाएको छ ।