छोरीको घरले चौतर्फि सहयोग बटुल्न सफल

भक्तपुर । चाँगुनारायण नगरपालिका ताथलीमा रहेको छोरीको घरले चौतर्फि सहयोग बटुल्न सफल भएको छ । छोरीको घर जेष्ठ नागरिक आश्रम निर्माण गर्नको लागि आश्विन ११ गतेदेखि सञ्चालन भएको श्रीमदभागवत पितृ मुक्ति ज्ञान महायज्ञमा सहभागी भएर सहयोग गर्नेको संख्या बढ्दै गएको छ ।

यसैबीच चन्द्रागिरी नगरपालिकाका नगरप्रमुख घनश्याम गिरीले २ लाख सहयोग गर्ने घोषणा गरेका छन् । प्रमुख र उपप्रमुखले गरेको यो घोषणा छिटै पुरा हुने बताएका छन ।

बिहिबार रात्रिकालिन कार्यक्रममा सहभागि भएका प्रमुख घनश्याम गिरी र उपप्रमुख बसन्ती श्रेष्ठले आफ्नो ब्यक्तिगत तथा नगरपालिकाको तर्फबाट सक्दो सहयोग हुने बताएका छन्। यस अघि सूर्यविनायक नगरपालिकाले भवन निर्माणको क्रममा ५० लाख सहयोग गर्ने प्रतिबद्धता जनाएको छ ।