- २७ भाद्र २०८३, शनिबार / Sep 12, 2026
काठमाडौं । एक सय ६० घन्टाको कुक र वयटर तालिम बाग्मती प्रदेश सरकार युवा तथा खेल्कुद मन्त्री रमा आले मगरले उद्घाटन गर्नु भएको छ । बागमती प्रदेश सरकार, युवा तथा खेल्कुद मन्त्रालय, प्रदेश युवा परिषद् बागमती, जिल्ला युवा समिती काठमाडौंले मंगलबार गरेको कार्यक्रममा बाग्मती प्रदेश सरकार युवा तथा खेल्कुद मन्त्री आलेमगरले काठमाडौं महानगरको २६ नं वडाको गोङगबुमा तालिम उद्घाटन गर्नु भएको हो ।
सिप सिकौँ, स्वरोजगार बनौँ भन्ने मुल नारालाई आत्मसात गर्दै प्रदेश सरकारले यो बर्ष सीप बर्ष घोषण गरेको छ र सोहि अनुरुप २१ वटा विषयमा युवाहरुलाई निःशूल्क तालिम प्रदान गरेको बताउनुभयो । उहाँले थप युवालाई सिर्जनशील र उद्धमशील बनाउन आफ्नो प्रयास जारी रहने बताउँदै तालिममा राम्रोसंग सिक्न र सिकाउँन अनुरोध गर्नुभयो ।
कार्यक्रममा काठमाडौं जिल्ला युवा समिति अध्यक्ष रुपा थापा मगरले वेरोजगार युवा जनशक्तिहरुलाई श्रम बजार अनुकुलको ज्ञान र सीप प्रदान गरी रोजगारी र स्वरोजगारीका अवसरहरु सिर्जना गर्न युवालक्षित तालिम संचालन गरिएको जानकारी दिनुभयो । काठमाडौं जिल्ला युवा समितिले विभिन्न क्षेत्रहरुमा सीपमुलक तालिम सन्चालन गर्दै आयको छ ।
