अझै वर्षाको सम्भावना कायमै

काठमाडौं । नेपालमा केही दिन मौसम बदली भइरहने मौसम पूर्वानुमान महाशाखाले जनाएको छ । भारतको बिहार तथा आसपास रहेको न्यून चापीय प्रणालीको प्रभावका कारण नेपालमा केही दिन मौसम बदली भइरहेने महाशाखाले जनाएको हो प्रदेश १, २ तथा बाग्मती प्रदेशमा मौसम बदलीको र प्रदेश १ र प्रदेश २ का धेरै स्थान र बाँकी प्रदेशका एक–दुई स्थानमा वर्षा भएको जनाएको छ ।

महाशाखाकाअनुसार प्रदेश १, २ र बागमतीका धेरै स्थान र बाँकी प्रदेशका थोरै स्थानमा हल्कादेखि मध्यम वर्षाको सम्भावना छ । राति प्रदेश १ र प्रदेश २ का धेरै स्थान र बाँकी प्रदेशका थोरै स्थानमा वर्षाको सम्भावना छ । भोलि मुलुकका केही स्थानमा वर्षाको सम्भावना रहेको महाशाखाले जनाएको छ ।