आफ्ना गविधिलाई बढाए अमेरिकाविरुद्ध आणविक हमलाको उत्तर कोरियाको चेतावनी

एजेन्सी । अमेरिकाले उत्तेजक गतिविधि बढाएको भन्दै उत्तर कोरियाले अमेरिका विरुद्ध आणविक हमला गर्ने चेतावनी दिएको छ । उत्तर कोरियाले पटक–पटकको चेतावनीपछि पनि अमेरिकाले जुलाई १८ मा दक्षिण कोरियामा आणविक बैठक गरेको र थप सैन्य गतिविधि बढाउने योजना बनाएको भन्दै आणविक हमलाको चेतावनी दिएको हो ।

गत बुधबार मात्रै जापानी समुद्रमा दुई क्षेप्यास्त्र प्रहार गरेको उत्तर कोरियाले आणविक हमलाको धम्की दिने तहमा उत्रिएको हो । दक्षिण कोरिया तैनाथ एक जना अमेरिकी सैनिक भागेर उत्तर कोरिया प्रवेश गरेपछि अमेरिका र उत्तर कोरियाबीचको तनाव थप बढेको बेला उत्तर कोरियाले आणविक हमलाको धम्की दिएको हो ।

अमेरिकाले एयरक्राफ्ट क्यारियर, बम्बर र मिसाइल सबमरिन ल्याएर उत्तेजक गतिविधि गरेमा त्यसको जवाफ आणविक अस्त्र प्रहार हुने चेतावनी उत्तरकोरियाले दिएको अन्तराष्ट्रिय सञ्चार माध्यमले दिएका छन् ।