- १६ भाद्र २०८३, मंगलवार / Sep 1, 2026
काठमाडौं । स्थानीय तह सदस्य निर्वाचनका लागि दर्ता भएको मनोनयनविरुद्धको उजुरीमा निर्वाचन आयोगले आजदेखि जाँचबुझ थाल्ने भएको छ ।
प्राप्त उजुरीमाथि आज र भोलि जाँचबुझ हुने निर्वाचन आयोगका प्रवक्ता शालिकराम शर्मा पौडेलले बताए । आज र भोलि छानबिन गरेर निर्णय लिने उनको भनाइ छ ।
बिहीबारै उम्मेदवारको नामावली प्रकाशन गर्ने तयारी आयोगले गरेको छ । १६ वैशाखमा उम्मेदवारले नाम फिर्ता लिने र उम्मेदवारहरूको अन्तिम नामावली प्रकाशन हुने छ ।
१७ गते मात्रै उम्मेदवारहरूलाई निर्वाचन चिह्न प्रदान गरिने आयोगले जनाएको छ । ७५३ स्थानीय तहमा ३५ हजार २ सय २१ पदका लागि साढे एक लाखले उम्मेदवारी दिएका छन् ।
