एमालेले सरकारलाई दिएको समर्थन जारी राख्ने , राष्ट्रपतिको उम्मेदवार पार्टी उपाध्यक्ष नेम्वाङ तय

काठमाडाैं । नेकपा एमालेले सरकारलाई दिएको समर्थन यथावत् राख्ने एमालेको निर्णय गरेको छ । शनिबार बिहान पार्टी कार्यालय च्यासलमा बसेको सचिवालय बैठकले पुष्पकमल दाहाल प्रचण्ड नेतृत्वको सरकारलाई दिएको समर्थन यथावत् राख्दै सरकारबाट समेत तत्काल नबाहिरिने निर्णय गरेको हो । पुस १० गतेको निर्णयअनुसार अगाडि बढ्ने नेकपा एमालेले जनाएको छ ।

पुस १० गतेको सहमति अनुसार नै राष्ट्रपति चयन गर्न कांग्रेस सहितका दलहरुलाई सहमतिमा ल्याउने र आठ दलीय गठबन्धन नबनेको एमालेले जनाएको छ । यसै बैठकले नेकपा (एमाले) ले सांसद एवं उपाध्यक्ष सुवास नेम्वाङलाई राष्ट्रपतिको उम्मेदवार बनाउने निर्णय समेत गरेको स्रोतले जनाएको छ । नेपाली कांग्रेसले वरिष्ठ नेता रामचन्द्र पौडेललाई राष्ट्रपतिको उम्मेदवार बनाएपछि एमालेले पार्टी उपाध्यक्ष नेम्वाङलाई बनाउने निर्णय लिएको हो ।