- ६ कार्तिक २०८३, शुक्रबार / Oct 23, 2026
काठमाडौं । नागरिक उन्मुक्ति पार्टीका संरक्षक रेशम चौधरी भेटवार्तामै व्यस्त रहेका छन् । उनले जेलबाट छुटेपछि विभिन्न राजनीतिक दलहरुका शीर्ष नेतृत्वसंग भेटवार्ता गरिरहेका छन् । सोमबार नेकपा एमाले अध्यक्ष केपी शर्मा ओली र नागरिक उन्मुक्ति पार्टीका संरक्षक रेशम चौधरीबीच भेटवार्ता भएको छ। उक्त भेटवार्तामा चौधरीले आफू जेलमा रहँदा ज्याकेट र जुत्ता पठाइदिएकोमा अध्यक्ष ओलीलाई धन्यवादसमेत व्यक्त गरेका छन् ।
चौधरीले यसअघि प्रधानमन्त्री पुष्पकमल दाहाल र नेपाल समाजवादी पार्टीका अध्यक्ष डा.बाबुराम भट्टराईलगायतसँग पनि भेटवार्ता गरिसकेका छन् । बालकोटमा भएको भेटमा उनीहरुबीच समसामयिक राजनीतिका विषयमा कुराकानी गरेका बताइएको छ ।
