- ३१ असार २०८३, बुधबार / Jul 15, 2026
काठमाडौं । कोरोना संक्रमण पुष्टि भएको सात दिनसम्म आइसोलेसनमा बस्नुपर्ने सरकारले आदेश जारी छ । स्वास्थ्यका मापदण्ड पूर्ण पालना गर्न दिएको सरकारी आदेशलाई एमाले अध्यक्ष तथा पूर्वप्रधानमन्त्री केपी शर्मा ओलीले उलंघन गरेका छन् ।
पार्टी सचिवालयले होम आइसोलेसनमा बसेको विज्ञप्ति सार्वजनिक गरेको भोलिपल्ट अध्यक्ष ओली सार्वजनिक कार्यक्रममा उपस्थित भएपछि अहिले सामाजिक सञ्जालमा चर्को विरोध भइराखेको छ।
माघ ९ गते कोरोना संक्रमण पुष्टि भएका ओली १२ गते युवा संघले गरेको कार्यक्रममा उपस्थित भएका थिए। युवा संघले माघ १२ गते गरेको कार्यक्रममा ओली उपस्थित भएको खबर सार्वजनिक भएपछि चौतर्फी आलोचना भएको छ ।
यस्ता छन् सामाजिक संजालमा आएका सुझाव
‘कोरोना हुँदाहुदै किन कार्यक्रममा जानुभयो ? तपाईंको जीवन यो देशको लागि रास्ट्रको लागि कति महत्त्वपूर्ण छ ? यो तपाइलाई थाहा छ कि छैन ? राजनेताको सचिवालयले यस्ता काम रोक्नुपर्यो।
