- १४ असार २०८३, आईतवार / Jun 28, 2026
सुर्खेत । प्रदेश निजामती सेवा र स्थानीय सरकारी सेवा चौथो तहका लागि कर्णाली प्रदेश लोकसेवा आयोगले ३७३ जना कर्मचारी स्थायी पदपूर्तिका लागि दरखास्त आह्वान गरेको छ।
सहायक प्रशासन, प्राविधिक (इन्जिनियरिङ र कृषि), महिला विकास र स्वास्थ्यतर्फ कर्मचारीका लागि दरखास्त आह्वान गरेको हो ।
सहायक प्रशासनमा ६५, प्राविधिक इन्जिनियरिङतर्फ ८५ जना, नायव प्राविधिक सहायकतर्फ १६ जना, पशुस्वास्थ्य प्राविधिक तर्फ ६९ जना सहायक महिला विकास निरीक्षक १३ जना, कम्प्युटर अपरेटर ४ जना, अनमी ७० जना, अहेब ४८ जना, वैद्य ४ जना र ल्याब असिस्टेन्ट १० जना मागेको हो ।
खुला, महिला, दलित, आदिवासी जनजाति र मधेसी कोटामा सिट छुट्याइएको छ । उक्त कोटामा योग्यता पुगेका उम्मेदवारले नियमित शुल्कमा फागुन १६ र अतिरिक्त शुल्क तिरेर फागुन २३ गते सम्म दरखास्त दिन सकिने छ ।
अप्राविधिकको प्रथम पत्र वैशाख १७, प्राविधिकको जेठ ६ देखि २१ सम्म र महिला विकासको जेठ ५ मा परीक्षा हुने आयोगले जनाएको छ।
