- ११ भाद्र २०८३, बिहीबार / Aug 27, 2026
काठमाडौं । नेपाली कांग्रेसको केन्द्रीय समिति बैठक बस्दै छ । बैठक बिहान ११ बजे पार्टी कार्यालय सानेपामा बस्नेछ । गत मंगलबार सुरु भएको केन्द्रीय समिति बैठकमा हिजोबाट केन्द्रिय सदस्यहरूले धारणा राख्ने क्रम सुरु भएको छ । हिजोको बैठकमा आमन्त्रित जिल्ला सभापतिहरुसहित ४६ जना केन्द्रीय नेताहरूले धारणा राखेका थिए ।
हिजोको बैठकमा आमन्त्रित प्रदेश सभापतिहरु कृष्णप्रसाद यादव, इन्द्रबहादुर बानियाँ, शुक्रराज शर्मा, अमरसिंह पुन, ललितजंग शाही र वीरबहादुर बलायरले आफ्नो धारणा राखेका छन् ।
यस्तै, नैनसिंह महर, जीवनबहादुर शाही, कृष्णचन्द्र नेपाली पोखरेल, केशवकुमार बुढाथोकी, देवेन्द्रराज कँडेल, बहादुर सिंह (लामा) तामाङ, नारायणबहादुर कार्की, मानबहादुर नेपालीलगायतले आफ्नो धारणा राखेको पार्टी कार्यालयका मुख्यसचिव कृष्ण प्रसाद पौडेलले जानकारी दिए । आज बोल्न बाँकी केन्द्रीय सदस्यहरूले समितिमा प्रस्तुत विभिन्न १० एजेन्डामा केन्द्रित भएर आफ्नो धारणा राख्ने छन् ।
