- ४ आश्विन २०८३, आईतवार / Sep 20, 2026
ललितपुर । गोदावरीमा आजदेखि सुरु नेपाली कांग्रेस महासमितिको बैठकमा हस्ताक्षर संकलन भएको छ । केन्द्रीय सदस्य शंकर भण्डारीकै अगुवाइमा हिन्दू राष्ट्र पुनर्स्थापनाको पक्षमा हस्ताक्षर संकलन सुरु भएको हो ।
बैठकको पहिलो दिन २०४ जना महासमिति सदस्यले हस्ताक्षर गरेको बुझिएको छ । ‘सनातन हिन्दू राष्ट्र नेपाल स्थापना महाअभियानका संयोजक भण्डारी सहित २२ जना केन्द्रीय सदस्यले केन्द्रीय समिति बैठकमै हिन्दू राष्ट्र पुनर्स्थापनाको एजेण्डामाथि छलफल माग गरेका थिए ।
हिन्दू राष्ट्रको एजेण्डालाई विशेष पूरक प्रस्ताव भनेका छन् । यो प्रस्तावको पक्षमा गोदावरीमा महासमितिका सदस्यहरुलाई हस्ताक्षर गराउने अभियान चलाइएको छ । कांग्रेस नेता खुमबहादुर खड्काले थालेको यो अभियानले २०७९ को त्रिवेणी महासमिति बैठक र २०७८ को काठमाडौं महासमिति बैठकमा पनि हस्ताक्षर संकलन गरिएको थियो ।
