- ६ आश्विन २०८३, मंगलवार / Sep 22, 2026
२१ असार २०७७ बागलुङ । क्वारेन्टाइनमा बसेका बागलुङ निसीखोला गाउँपालिकाका एक युवाको मृत्यु भएको छ ।निसीखोला–२ का २९ वर्षीय सुनिल विकको क्वारेन्टाइनमै मृत्यु भएको हो ।
केही समयअघि भारतबाट आएर ढोरपाटन नगरपालिका–४ खुङ्गास्थित छोरेगाउँ माविको क्वारेन्टाइनमा बसेका उनको आज बिहान मृत्यु भएको जिल्ला प्रहरी कार्यालय बागलुङका प्रहरी नायब उपरीक्षक राजेन्द्र रेग्मीले बताए ।
लामो समयदेखि भारतमा बस्दै आएका विकको पीसीआर रिपोर्ट अहिलेसम्म आएको छैन । रिपोर्ट आएपछि उनको दाहसंस्कार गरिने बुर्तिवाङ प्राथमिक स्वास्थ्य केन्द्रका प्रमुख डा. मिलन मल्लले बताए । उनको शव व्यवस्थापनका लागिनेपाली सेनालाई जिम्मा दिइएको छ ।
