- १२ बैशाख २०८३, शनिबार / Apr 25, 2026
काठमाडौं । नेकपा (एकीकृत समाजवादी)का सम्मानित नेता झलनाथ खनालले स्थानीय चुनावमा गठबन्धनका अन्य दलहरूले आफ्नो पार्टीलाई सम्मान नगरेको गुनासो व्यक्त गरेका छन् ।
समाजवादीद्वारा काठमाडौं महानगरपालिका वडा नम्बर १५ मा आयोजित कार्यक्रममा बोल्दै उनले हालै सम्पन्न निर्वाचनमा गठबन्धनबाट आफ्नो पार्टीलाई फाइदा नभएको खनालको जिकिर गरे ।
उनले भने, ‘गठबन्धनले न हाम्रो सही ढंगले मूल्यांकन गर्यो, न सम्मान गर्यो, न हामीलाई त्यसबाट धेरै फाइदा नै भयो । तर जहाँ–जहाँ हामी आफै स्वतन्त्रतापूर्वक उभियौं, त्यो ठाउँमा हामीले राम्रो विजय प्राप्त गर्यौं।’
गत वर्ष नेकपा (एमाले)बाट विभाजित भएर बनेको एकीकृत समाजवादीले २० पालिका प्रमुख सहित ९८७ जनप्रतिनिधि जित्यो ।
एकीकृत समाजवादीले २७ पालिकामा गठबन्धनको साथ पाएकोमा १३ स्थानमा जित हासिल गर्यो । ७ पालिका प्रमुख भने उसले तालमेल नगरी जितेको छ ।
