- २१ कार्तिक २०८३, शनिबार / Nov 7, 2026
विराटनगर । आवश्यक परिमाण माग नगर्दा भारतले गहुँ निकासी गर्ने मुलुकको सूचीबाट नेपाल बाहिरिएको छ । रुस र युक्रेनबीचको युद्धका कारण भारतमा गहुँको संकट पर्ने अवस्था आएपछि वैशाख अन्तिममा यसको निकासीमा रोक लगाएको थियो ।
परिस्थितिअनुकूल भएसँगै निकासीलाई पुनः निरन्तरता दिन भारतले गहुँ आवश्यक पर्ने मुलुकसँग आवश्यक परिमाण मागेको थियो । तर मन्त्रालयले समयमा समन्वय नगर्दा भारतले गहुँ निकासी गर्ने मुलुकको सूचीबाट नेपाल बाहिरिएको सम्बद्ध उद्योगीहरुले बताएका छन् ।
बंगलादेश, इन्डोनेसिया, यमन, यूएई र ओमानका लागि भारतले कोटा तोकेर गहुँ निकासी खुला गरेको छ । नेपाल सरकारको लापरबाहीले भारतको गहुँ निकासी सूचीमा नपर्दा स्थानीय उद्योग प्रभावित भएको नेपाल फोलोर मिल एसोसिएसनका सचिव विकास बेगवानीले बताए ।
३७ वटा मैदा मिललाई वार्षिक १० लाख टन गहुँको आवश्यकता पर्नेमा अब स्थानीय उत्पादनले करिब ३ लाख टन मात्र धान्ने उनीहरुको धारणा छ ।
