गोकुल बाँस्कोटाको घरमा बम विस्फोट

भक्तपुर । पूर्वसञ्चारमन्त्री गोकुल बाँस्कोटाको घरमा बम विस्फोट भएको छ । मध्यपुर ठिमी नगरपालिका(१ मनोहरा फाँटमा रहेको बाँस्कोटाको घरमा प्रेसर कुकर बम विस्फोट भएको हो । बाँस्कोटाको निर्माणाधीन घर परिसरमा राखेको मारुती भ्यान पनि क्षतिग्रस्त छ ।

बम विस्फोटबाट कुबेर केसी र कपिल घिमिरेको घरमा पनि क्षति पुगेको छ । बुधबार बिहानै प्रहरीको गस्ती नभएको समयमा बम विस्फोट भएको हो । बम विस्फोट कस्ले गराएकाे हाे ? अहिलेसम्म केही खुल्न सकेको छैन ।

बाँस्कोटाले स्वीस कम्पनीका एजेन्ट भनिने विजयप्रकाश मिश्रसँग ७० करोड रुपैयाँ कमिशनकाण्डमा मुछिएपछि राजीनामा दिएका थिए । कमिशन मागेकाे अडियाे सार्वजनिक भए पछि बाँस्काेटाले राजिनामा दिएका थिए ।