- १९ श्रावण २०८३, मंगलवार / Aug 4, 2026
बेलायत । स्वास्थ्य मन्त्री तथा कन्जरभेटिभ पार्टीकी सांसद नादिन डोरिस कोरोना भाइरसको संक्रमणमा परेकी छन् । कोरोना भाइरसको संक्रमणमा पर्ने उनी पहिलो सांसद हुन् ।
कोरोना संक्रमण भएको थाहा पाएपछि सबै सावधानी सहित घरभित्र सेल्फ आइसोलेशनमा राखेको बताएकी छन् । ६२ वर्षे डोरिसले नर्सको रुपमा आफ्नो करियर सुरु गरेकी थिइन् । उनीसँगै बस्ने उनकी ८४ वर्षीया आमाले पनि मंगलबारदेखि खोक्न थालेपछि आफूलाई निकै चिन्ता लागेको उनले ट्वीटरमार्फत् जानकारी दिएकी छिन् ।
बिहिबार उनलाई पहिलो लक्षण देखिएको स्वास्थ्य विभागले जनाएको छ । सोहि दिन प्रधानमन्त्रीले आयोजना गरेको एक कार्यक्रममा भाग लिएकी थिइन् । त्यसको भोलिपल्टदेखि उनी सेल्फ आइसोलेशनमा बसेकी छिन् ।
कोरोना भाइरसका कारण बेलायतमा अहिलेसम्म ६ जनाको मृत्यु भइसकेको छ भने ३ सय ८२ जनामा संक्रमण देखिएको छ । एजेन्सी
