- १४ आश्विन २०८३, बुधबार / Sep 30, 2026
काठमाडौं । राष्ट्रिय स्वतन्त्र पार्टी (रास्वपा)ले ६ हजार ५ सय वडामा समिति गठन गर्दैछ । अनलाइन आवेदन खुलाएर रास्वपाले २ देखि २० असोजसम्म उम्मेदवारी दर्ताका आह्वान गरेको हो । वडा तहको समितिका लागिसमेत अनलाइनबाट उम्मेदवारी दिनुपर्ने व्यवस्था गरिएको छ ।
उम्मेदवार हुन १०० रुपैयाँ शुल्क तोकिएको छ । १० देखि १६ कात्तिकसम्म निर्वाचनमार्फत नेतृत्व चयन गरिने कार्यतालिका रहेको पार्टीका सह–महामन्त्री तथा संगठन विभाग प्रमुख कवीन्द्र बुर्लाकोटीले बताए ।
कार्यसमितिमा चयन हुनेहरूको नामावली २० कात्तिकमा सार्वजनिक गरिने उनको भनाइ छ । रास्वपाको वडा समितिमा ११ जना हुने व्यवस्था छ ।
सभापति, उपसभापति, सचिवसहित सबै सदस्य निर्वाचित हुनुपर्नेछ । ११ जनामा दलित एक जना अनिवार्य गरिएको छ । महिला चार जना, ४५ वर्षमुनि उमेर समूहका ६ जना निर्वाचित हुनेछन् ।
