- २० असार २०८३, शनिबार / Jul 4, 2026
काठमाडौं । विषालु च्याउ खाँदा बुटवलमा १५ जना बिरामी परेका छन् । बुटवल उपमहानगरपालिका–१२ नयाँगाउँका ६ जना, वडा नं ४ लक्ष्मीनगरका ७ र वडा नं १३ बेलबासका दुई जना बिरामी भएको प्रहरीले जनाएको छ ।
जङ्गलबाट ल्याएको च्याउ खाँदा बुटवल उपमहानगरपालिका–१२ नयाँगाउँका २८ वर्षीया रिना विक, २८ वर्षीया कमला विक, आठ वर्षीया सुप्रिया विक, ३८ वर्षीय विष्णु विक, ३३ वर्षीया दुर्गा विक र ५० वर्षीय हुमबहादुर विक बिरामी भएका हुन् ।
लक्ष्मीनगरका ६२ वर्षीया हिमाकुमारी छन्त्याल, गौरीमाया सेन, ६५ वर्षीया दीपा सेन, १४ वर्षीय यथार्थ जिसी, ४२ वर्षीया मञ्जु सेन, ६४ वर्षका हरि सेन र ३७ वर्षका प्रकाश सेन बिरामी भएको इलाका प्रहरी कार्यालय बुटवलका प्रमुख ठगबहादुर केसीले बताए ।
यसैगरी बेलबास शान्ति चोकका ४५ वर्षीया पेमा थापा, ४३ वर्षीया सुशीला रोका, २८ वर्षीया रिमा विक, २८ वर्षीया कमला विक, आठ वर्षकी सुप्रिया विक, ३८ वर्षीय विष्णु विक र ३३ वर्षीया दुर्गा विक, ५० वर्षीय हुमबहादुर विक बिरामी भएका छन् ।
लुम्बिनी प्रादेशिक अस्पतालमा उनीहरुको उपचार भइरहेको छ । अस्वथा गम्भीर रहेका पाँच जनाको आइसीयूमा उपचार भइरहेको इलाका प्रहरी कार्यालय बुटवलले जनाएको छ ।
