ओखलढुंगाका कच्ची सडकहरू अवरुद्ध भएपछि स्थानीय समस्यामा

काठमाडौं । ओखलढुंगा रामपुर सडकखण्ड पहिरे खोलाको पहिरोले निरन्तर अवरोध गर्दा अवरुद्ध भएको छ । लगातारको वर्षाका कारण आएको पहिरोले गर्दा ओखलढुंगाका अशिकांश सडक अवरुद्ध घभएका हुन ।
अविरल वर्षाका कारण ओखलढुंगाका अधिकांश कच्ची सडकहरू अवरुद्ध भएपछि पानीको भलले सडकमा क्षति पुर्‍याएको जनाइएको छ ।

ताप्केडाँडा, मूलखर्क, प्राप्चा, शेर्नालगायतका ठाउँमा मुस्किलले सवारी चलिरहेका छन् । कच्ची सडकको हिलोमा फसेका सवारी साधन निकाल्न ट्याक्टर र इस्काभेटर प्रयोग गर्नुपर्ने बाध्यता रहेको जनाइएको छ । वर्षाले जिल्लाका भित्री सडकहरूमा क्षति पुगेकाले अवरोध हटाउनले प्रयास गरिरहेको जिल्ला प्रशासन कार्यालय ओखलढुंगाले जनाएको छ । पक्की गरिएको सिद्धिचरण राजमार्गबाहेक जिल्लाका अन्य सडकमा यात्रा कष्टकर हुन थालेकाले सजग रहन आग्रह गरिएको छ ।