- २३ बैशाख २०८३, बुधबार / May 6, 2026
बागलुङ । ढोरपाटन नगरपालिका–९ बोबाङमा अविरल वर्षाका कारण भिषण पहिरो जाँदा २५ घर बगाएको छ भने १५ जना बढी बेपत्ता भएका छन् । ढोरपाटन नगरपालिका–९ को भूँजीखोलामामा बुधबार राती अन्दाजी १२ बजे आएको बाढीले कारण लाकुरीबोटमा ३ जना, सुकुरदुङमा १ जना दुनेपधेरामा ३ जना, घट्टबोटमा ७ जना र भुसुन्डेमा ३ जना सम्पर्कविहिन रहेको स्थानीयले बताए ।
बाढीले लाकुरीबोटमा ११ घर, दुनेपधेरामा ५ भर, घट्टबोटमा ८ घर र भुसुन्डेमा १ घर बगाएको छ। यस्तै बाढीले सुकुरदुङको सरस्वति आधारभूत विद्यालय, सुप्राङको जनचेतना प्रावि, साविक बोबाङमा रहेका ३ वडा जलविद्युत आयोजना र ३ वटा झोलुँगेपुल समेत बगाएको छ। बागलुङका प्रहरी नायव उपरीक्षक राजेन्द्र रेग्मीले ४ जनाको शव भेटिए पनि पहिचानमा समस्या भएको बताए ।
घटनास्थल ठूलो भएकाले प्रहरी सबै क्षेत्रमा पुगिनसेकको अवस्थामा घटनाको बास्तविक अझै आइनसकेको बताए । लासको अवस्था देख्दा बाढीले धेरै मानवीय क्षती पुगेको अनुमान गरिएको छ,‘उद्धार र खोजीमा सक्रिय भएका छौ’ प्रनाउ रेग्मीले भने। बाढीले बगाएको एक जनाको शव बुर्तिवाङ पुरानो पावरहाउस नजिकै भेटिएको इलाका प्रहरी कार्यालय बुर्तिबाङले जनाएको छ ।
उद्दारको लागि प्रमुख जिल्ला अधिकारी सुरेश न्यौपानेको नेतृत्वमा नेपाल प्रहरी, सशस्त्र प्रहरी र नेपाली सेनाको टोली बागलुङ बजारबाट घटनास्थल लागेका छन् ।
