- २१ कार्तिक २०८३, शनिबार / Nov 7, 2026
काठमाडौं । अल्पसंख्यक बलामी समुदाय आफ्नो धर्म, संस्कृति, परम्पराको संरक्षणमा जुटेका छन् । समाजसेवी मोहनबहादुर बलामीको नेतृत्वमा टेकानपुर संस्कृतिक संरक्षण समिति नै बनाएर उनीहरु धर्म, संस्कृति, परम्पराको संरक्षणमा लागेका छन् ।
बलामी समुदायको संस्कृति परम्परा संरक्षणका लागि बनाएको समितिको एक समारोह सम्पन्न भएको छ । नेपाल कला र संस्कृतिले भरीपूर्ण देश भएको र यसको संरक्षण एकीकृतरुपमा गर्नुपर्ने बागमती प्रदेश सभाका सदस्य रमा आले मगरले बताइन् ।
चन्द्रागिरी नगरपालिकालाई संस्कृति सहर बनाउने योजना आफूहरुको रहेको नगरपालिकाका प्रमुख घनश्याम गिरीले बताए । उनले नगरपालिका भित्रका धर्म, संस्कृति,कला, जात्रा चाडपर्वलाई सूचीकृत गर्न लागिरहेको बताए ।
उनले धर्म,संस्कृति, जात्रा मेला, चाडपर्व, सम्पदाको व्यवस्थापनदेखि आर्थिक सहयोग गर्न तयार रहेको बताए । यस्तै वडाध्यक्ष कृष्णप्रसाद खड्गीले आफूहरु संस्कृतिमा धनी भए पनि यसलाई धन्न भने गहे भएको बताए ।
उनले संस्कृति, परम्परालाई पनि आयमुलक बनाउनतिर लाग्नुको विकल्प नभएको बताए । बलामी समुदाय छुटै संस्कति परम्परा रहेको मकवानपुर, काभ्रे, धादिग, चितवन नुवाकोटमा बसोबास गरिरहेका छन् ।
बलामी समुदायका परम्परागत नाच, कला, संस्कृतिको पनि यो कार्यक्रममा प्रस्तुति गरिएको समितिका सचिव श्याम बलामीले बताए।
