नरवणेको धार्मिक व्यस्तता

काठमाडौं । नेपाल भ्रमणमा रहेका भारतीय सेनाध्यक्ष मनोज मुकुन्द नरवणे आज धार्मिक कार्यमा व्यस्त भएका छन् । दिउसोदेखि धार्मिक क्षेत्रको भ्रमणमा व्यस्त रहेका छन् । पत्नीसहित उनले वसन्तपुरमा कुमारीको दर्शन गरे ।

कडा सुरक्षा व्यवस्थाका बीच पशुपति मन्दिरको पनि दर्शन गरेका छन् । नरवणेको मुख्य कार्यक्रम बिहीबार राखिएको छ ।त्यहाँ उनले नेपाली सेनाको मानार्थ महारथीको दर्ज्यानी चिन्ह प्राप्त गर्नेछन् ।

बिहीबारै समकक्षी प्रधानसेनापति पूर्णचन्द्र थापासँग भेटवार्ता पछि नरवणे आर्मी स्टाफ कलेज शिवपुरीका शिक्षार्थीसँग अन्तरक्रिया गर्नेछन् । त्यसपछि प्रधानमन्त्रीसमेत रहेका रक्षामन्त्री केपी शर्मा ओलीसँग भेटवार्ता गरेर भारत फर्किने नेपाली सेनाले जनाएको छ ।