- १७ श्रावण २०८३, आईतवार / Aug 2, 2026
काठमाडौं । नक्कली भुटानी शरणार्थी बनाएर अमेरिका पठाउने प्रकरणमा संलग्न रहेको आरोपमा पक्राउ परेका सन्दीप रायमाझीलाई काठमाडौं ल्याइँदैछ।
पूर्वउपप्रधानमन्त्री टोपबहादुर रायमाझीका छोरा सन्दीपलाई बुधबार प्रहरीले बुटवलबाट पक्राउ गरेको थियो । उनलाई भैरहवा विमानस्थल पठाइसकिएको जिल्ला प्रहरी कार्यालय रुपन्देहीका डिएसपी श्यामु अर्यालले बताए।
सन्दीपलाई गएराति जिल्ला प्रहरी कार्यालयमा राखिएको थियो । उनका बुबा एवं एमाले नेता तथा प्रतिनिधसभा सदस्य टोपबहादर रायमाझीको नाममा पनि पक्राउ पूर्जी जारी भएको छ ।
तर प्रहरीका अनुसार उनी अहिलेसम्म पक्राउ परेका छैनन् ।
