- २ श्रावण २०८३, शनिबार / Jul 18, 2026
भक्तपुर । लागू औषधसहित भक्तपुरबाट दुई जना पक्राउ परेका छन् । बुधबार बेलुका साढे ६ बजे प्रहरी प्रभाग दरबार स्क्वायरबाट खटिएको प्रहरी टोलीले हनुमानघाटमा चेकिङ गर्ने क्रममा लागू औषधसहित उनीहरुलाई पक्राउ गरेको हो ।
उनीहरुको साथबाट डाइजेपाम, फेनारगन र नोरफिन आठ र आठ थान तथा पाँच थान सिरिन्ज बरामद भएको जिल्ला प्रहरी कार्यालय भक्तपुरले जनाएको छ ।
पक्राउ पर्नेमा सर्लाहीको हरिवन नगरपालिका वडा नं ७ घर भई हाल भक्तपुर नगरपालिका वडा नं ५ आदर्श बस्ने २२ वर्षीय समिर आलम र सुनसरी घर भई हाल भक्तपुर नगरपालिका वडा नं ५ भेलुखेल बस्ने १९ वर्षीय अर्जुन परियार रहेका छन् ।
