बाढीमा फसेका पाँच जना पुरुष र एक जना महिलाको उद्धार

काठमाण्डौ । अविरल वर्षासंगै आएको बाढीका कारण कैलाली र कञ्चनपुरमा ८ जनाको उद्धार गरिएको छ । पाँच जना पुरुष र एक जना महिलाको उद्धार गरिएको प्रहरीले जनाएको छ । शुक्लाफाँटा–१२ तिलकीमा दोदा नदीमा आएको बाढीले स्थानीय किसानले लगाएको सखरखण्ड, धान र उखु बालीमा क्षति गरेको छ ।

कैलालीको गोदावरी नदीमा फसेका ६ जनालाई सुरक्षाकर्मीले उद्धार गरेको हो भने कञ्चनपुरमा दुई जना महिलाको उद्धार गरिएको प्रहरीले जनाएको छ । स्याली नदीको बाढीमा फसेका शुक्लाफाँटा नगरपालिका–७ कालापानीका गौमती साउद र निर्मला भण्डारीको उद्धार गरिएको हो ।