बाढीले बागलुङमा एक दर्जनबढि बेपत्ता

बागलुङ । ढोरपाटन नगरपालिकाको सुकुर्दुङ खोलामा बाढी आउँदा वस्ती नैर बगाएको छ । सुकुर्दुङ खोलाको बाढीले बोबाङ, सुर्कुदुङ र शेरावाङ गाउँका १० घर बगाएको हो ।

अरिवरल वर्षाका कारण गएराति १२ बजेको समयमा घर बगाउँदा करिब १२ जना बेपत्ता भएको इलाका प्रहरी कार्यालय बुर्तिवाङले जनाएको छ ।

रातिको समयमा खोला उर्लेर आउँदा कति क्षति भयो र कति बेपत्ता भए भन्ने यकिन हुन सकेको छैनु, प्रहरी निरिक्षक प्रकाशसिंह भण्डारीले भने,  बाढीका कारण एक दर्जन मानिस बेपत्ता भएको र एक जनाको शव फेला परेको प्रमुख जिल्ला अधिकारी सुरेश न्यौपानेले जानकारी दिए । बिहान नेपाली सेना र सशस्त्र प्रहरी बल घटनास्थलमा पठाइएको न्यौपानेले बताए ।