- १३ असार २०८३, शनिबार / Jun 27, 2026
भक्तपुर । नेपाल मजदुर किसान पार्टीका अध्यक्ष नारायणमान बिजुक्छें परिवारको नाममा रहेको सतलघर भक्तपुर नगरपालिकालाई हस्तान्तरण गरिएको छ ।
जनप्रतिनिधिको सय दिनका अवसरमा शनिबार निजी गुठीका सञ्चालक गणेशमान बिजुक्छेंका छोरा प्रयागमान बिजुक्छेँमार्फत उक्त सत्तल नगरप्रमुख सुनिल प्रजापतिलाई हस्तान्तरण गरिएको हो । गणेशमान बिजुक्छेंका पाँच छोरामध्ये नारायणमान बिजुक्छें जेठा छोरा हुन् ।
बिजुक्छें दाजुभाईइका कान्छो भाई एवं भक्तपुर नगरपालिका–५ का वडाअध्यक्ष योगेन्द्रमान बिजुक्छेंले भीमसेन सतलको इतिहास बारे प्रकाश पारेका थिए ।
सत्तल नगरपालिकालाई हस्तान्तरण गर्न नपाएकोमा बिजुक्छें परिवारले खुशी व्यक्त गरे । सत्तल हाल भक्तपुर नगरपालिका–५ सुकुलढोकामा पर्छ । दुई कितामा विभाजित सतल हस्तान्तरण गरिएको हो ।
एक आना दुई पैसा दुई दाम र एक आना एक पैसा गरी दुई कितामा सत्तल रहेको छ ।नगरपालिकामा हस्तान्तरण गरिएको सतलको थपअनुसन्धान गरी ऐतिहासिक आवश्यकताको अझ संरक्षण गर्ने नगरप्रमुख सुनिल प्रजापतिले प्रतिवद्धता जनाए ।
