- १४ श्रावण २०८३, बिहीबार / Jul 30, 2026
रुपन्देही । सैनामैनामा कार ट्रकमा ठोक्किँदा ४ जना घाइते भएका छन् । सालझण्डी र फारलाइन बिचको जङ्गलमा रोकिराखेको लु २ ख ४३० नम्बरको ट्रकमा विहीबार बिहान लु ३ च ८९२ नम्बरको कार ठोक्किएको हो ।
सो कारमा बेहुला बेहुली सवार रहेको बताइएको छ । दुर्घटनाबाट कारमा सवार बाँकेको राप्ती रोनारी गाउँपालिका–९ की २२ वर्षीया कविताकुमारी थारु, सोही ठाउँकी २३ वर्षीया सुशीला थारु, १५ वर्षीय विवश थारु र नवलपरासी पश्च्मिको सरावल गाउँपालिकाका २५ वर्षीय कृष्णा चौधरी घाइते भएको लुम्बिनी प्रदेश प्रहरी कार्यालय बुटवलले जनाएको छ ।
कविताकुमारी थारुको अवस्था गम्भीर रहेको र अन्यको अवस्था सामान्य रहेको प्रहरीको भनाइ छ । घाइतेहरुको लुम्बिनी प्रादेशिक अस्पताल बुटवलमा उपचार भइरहेको छ । घटनाको थप अनुसन्धान जारी रहेको प्रहरीले बताएको छ ।
