- २७ भाद्र २०८३, शनिबार / Sep 12, 2026
काठमाडौं । प्रधानमन्त्री पुष्पकमल दाहाल प्रचण्ड र चिनियाँ राजदूतबीच भेटवार्ता भएको छ। बालुवाटारमा छन् सोङ र प्रधानमन्त्री प्रचण्डबीच भएको भेटमा बोआओ फोरममा सहभागी नहुनुको कारणबारे खुलासा भएको हाे ।
सरकारको नीति तथा कार्यक्रमका विषयमा सांसदले उठाएको प्रश्नको जवाफ दिँदै प्रधानमन्त्री प्रचण्डले चिनियाँ राजदूतकै कारण बोआओ फोरममा सहभागी नभएको स्पष्ट पारेका थिए ।
सदनमा दिएको अभिव्यक्तिप्रति प्रधानमन्त्रीसँग आपत्ति राजदूत छन् सोङले आपत्ति जनाए । प्रधानमन्त्री प्रचण्डले गत मंगलबार चिनियाँ राजदूतकै आग्रहमा बोआओ फोरममा सहभागी नभएको अभिव्यक्ति संसदमा दिएका थिए ।
राजदूत छन् सोङ बिहान १० बजे प्रधानमन्त्री निवास पुगेको बालुवाटार स्रोतले बताएको छ । उनीहरूबीच करिब एक घण्टा सघन छलफल भएको थियो ।
प्रधानमन्त्री प्रचण्ड बजेट लगत्तै भारत भ्रमणमा जाने पक्का भएको छ । प्रधानमन्त्री नियुक्त भएलगत्तै उनले आफ्नो पहिलो विदेश भ्रमण भारतबाट हुने जानकारी दिएका थिए ।
