मंसिरदेखि एनआईसी एसियाको म्युचुअल फण्ड निस्कासन

काठमाडौं । मंसिरदेखि एनआईसी एसिया बैंकले अर्को म्युचुअल फण्ड निस्कासन हुने जनाएको छ । ‘ग्रोथ फण्ड २’ नामक प्रतिइकाइ १० रुपैयाँका दरले ८ करोड ५० लाख इकाइ सार्वजनिक रुपमा निस्कासन हुने बैंकको भनाइ छ ।

कुल १ अर्ब रुपैयाँ बराबरको यो योजनामा १५ प्रतिशत (१५ करोड रुपैयाँ) कोष प्रवर्द्धक एनआईसी एसिया बैंकले लगानी गर्ने भएको छ । यो फण्डमा सर्वसाधारण लगानीकर्ताले छिटोमा मंसिर ७ गतेसम्म र ढिलोमा १८ गतेसम्म आवेदन दिन सक्ने बैंकले जनाएको छ ।

छरिएर रहेको पुँजीलाई एकत्रित गर्ने र विभिन्न इक्वीटी, ऋणपत्र लगायत क्षेत्रमा लगानी गर्ने योजनाका साथ संकलन गरिने रकमका लागि प्रदान गरिने साना इकाइ नै म्युचुअल फण्ड हो भनेर बैंकले जनाएको छ ।