- २४ भाद्र २०८३, बुधबार / Sep 9, 2026
काठमाडौं । भूकम्पबाट घाइते भएकाको सरकारले निःशुल्क उपचार गर्ने भएको छ । आज बसेको मन्त्रिपरिषद बैठकले भूकम्पबाट घाइते भएका सवैलाई निशुल्क उपचार गर्ने निर्णय गरेको हो ।
वीर, ट्रमा सेन्टर लगायत अन्य अस्पतालमा उपचार गर्ने गरी तयारी अवस्थामा राखिएको सरकारले जनाएको छ । घाइतेहरुको रेस्क्यु करिब सकिएकाले अव पीडितहरुको व्यवस्थापनमा सरकारले लागेको स्वास्थ्यमन्त्री मोहन बस्नेतले बताए ।
बैठकमा भूकम्प पीडितहरुलाई आर्थिक सहायत दिने भनिएपनि निर्णय भैनसकेको उनको भनाइ छ । भूकम्प पीडितलाई तत्काल आवश्यक टेन्ट, पाललगायतका सामग्री अभाव हुन नदिने बताए ।
