महाकालीमा एक जना बेपत्ता

बैतडी । लडेर महाकाली नदीमा एक मजदुर बेपत्ता भएका छन्। भारतको पिथौरागढबाट मजदुरी गरेर घर फर्किरहेका एक जना महाकाली नदीमा वेपक्ता भएका हुन । वेपत्ता हुनेमा हुनेमा बैतडीको पुर्चौडी नगरपालिका–५ कुवाकोटका ३३ वर्षीय अमरसिंह धामी रहेका छन्।

बिहान ११ बजेतिर जिप चढ्ने तयारी गरिरहेका अमर एक्कासी चिप्लिएर महाकाली नदीमा खसेका बैतडी प्रहरीले जनाएको छ ।
अमर नेपाल–भारत सीमानजिक बैतडीका दशरथचन्द नगरपालिका–८ झुलाघाटस्थित बसपार्क नजिकैबाट महाकाली लडेका हुन्।

बेपत्ता अमरको खोजीका लागि नेपाल प्रहरी, सशस्त्र प्रहरी बल महाकाली किनार क्षेत्रमा परिचालन गरिएको छ। यसका साथै खोजीका लागि भारतीय सुरक्षाकर्मी एसएसबीलाई पनि आग्रह गरिएको छ।