- ११ भाद्र २०८३, बिहीबार / Aug 27, 2026
दैलेख । दैलेखमा एक जनाको ज्यान जानुका साथै १६ जना घाइते भएका छन् । चट्याङ लागेर एक महिलाको ज्यान जानुका साथै १६ जना घाइते भएका हुन । घरमै भान्साको काम गरिरहेको बेला चट्याङ लागेर घाइते भएकी महाबु गाउँपालिका १ खरिगैराकी ४२ वर्षीया भूमिसरा खत्रीको ज्यान गएको हो ।
घाइतेको दैलेख अस्पतालमा प्राथमिक उपचारपछि गम्भीर घाइते आठ जनालाई कर्णाली प्रदेश अस्पतालमा पठाइएको छ । एक जनाको दैलेख अस्पतालमा उपचार भइरहेको जिल्ला प्रहरी कार्यालय दैलेखले जनाएको छ । घाइते पाँच जना उपचारपछि घर फर्किएका छन् ।
डुङ्गेश्वर गाउँपालिका–६ लटाली गाउँमा चट्याङ लागेर गम्भीर घाइते भएकी २६ वर्षीया रेखा बुढालाई कर्णाली प्रदेश अस्पताल लगिएको जिल्ला प्रहरी कार्यालय दैलेखले जनाएको छ । महाबु गाउँपालिका १ खरिगैरामा घरमै बसिरहेका बेला चट्याङ लागेर खरिगैराका अरु १६ जना घाइते भएका हुन् ।
