- २५ फाल्गुन २०८२, सोमबार / Mar 9, 2026
१३ वैशाख २०७७ दैलेख । कोरोना महामारीले विश्व प्रताडित बनिरहेका बेला यसको रोकथाम तथा नियन्त्रणका लागि आठबिस नगरपालिकाको प्रकोप व्यवस्थापन कोषमा होटल वसिस इन (Hotel Ossis INN)ले ५० हजार रुपैयाँ सहयोग गरेको छ ।
नगरवासीलाई राहत प्रदानमा सहयोग होस भन्ने हेतुले आर्थिक सहयोग गरिएको होटल संचालक भरत सिजापतिले बताएका छन् । शनिवार नगरको प्रकोप व्यवस्थापन कोषमा जम्मा हुने गरी नगरप्रमुख खड्गराज उपाध्यायलाई चेक हस्तान्तरण गरेका हुन् ।
राकम कर्णालीमा ४ मा सञ्चालित होटल वसिस इनका सञ्चालक तथा क्षितिज कन्ट्रक्सनका प्रोपराइटर भरतकुमार सिजापती समाज सेवामा सक्रिय एक युवा व्यवसायी हुन् । कोरोनाले भयावहकोरुप लिइरहेका बेला आठबीस नगरमा त्यस्तो स्थिति नआवस र नगरपालिकालाई महामारी नियन्त्रण गर्न सजिलो होस भन्दै आफुले ५० हजार सहयोग गरेको सिजापतीले कैलाश खबरलाई बताए ।
भविष्यमा आइपर्ने विपद् व्यवस्थापनका लागि पनि सहयोग गर्दै जाने भन्दै उनले तत्कालै स्वास्थ्य चौकी राकम कर्णालीलाई इसिजी मेसिन पनि उपलब्ध गराउने बताएका छन् । कोरोना महामारी नियन्त्रण गर्न व्यवसायीका तर्फबाट गरिएको सहयोगको उच्च कदर गर्दै नगरप्रमुख उपाध्यायले उनलाइ धन्यवाद दिए ।
आगामी दिनमा पनि निजीक्षेत्रका तर्फबाट थप सहयोगको अपेक्षा गरेको आठबीस नगरपालिकाका मेयर खड्गराज उपाध्यायले बताए ।
