मुलुकभर विविध कार्यक्रमको आयोजना गरी गणतन्त्र दिवस मनाइँदै

काठमाडौँ । १६ औँ गणतन्त्र दिवसका अवसरमा आज मुलुकभर विविध कार्यक्रमको आयोजना गरी मनाइँदैछ । लोगतान्त्रिक गणतन्त्र स्थापनाका नेपाली जनताले गरेको लामो बलिदान र सङ्घर्षको उपलब्धिका रूपमा डेढ दशकदेखि यो दिवस मनाइने गरिएको हो ।

काठमाडौँको टुँडिखेलस्थित सैनिक मञ्चमा गणतन्त्र मूल समारोह समितिद्वारा राष्ट्रपति रामचन्द्र पौडेलको उपस्थितिमा विशेष समारोह आयोजना गरी गणतन्त्र दिवस भव्यरुपमा मनाइएको छ ।

दिवसका अवसरमा राष्ट्रपति, उपराष्ट्रपति, प्रधानमन्त्री, सभामुख, राष्ट्रियसभा अध्यक्ष, विभिन्न राजनीतिक दलका प्रमुखहरुले गणतन्त्र स्थापनाको आन्दोलनमा बलिदान गर्ने सहिदप्रति भावपूर्ण श्रद्धाञ्जलि अर्पण गर्दै देश तथा विदेशमा रहेका नेपालीहरुमा हार्दिक बधाई तथा शुभकामना व्यक्त गरेका छन् ।