- २८ बैशाख २०८३, सोमबार / May 11, 2026
काठमाडौं । काठमाडौँ महानगरपालिकाले भदौ १ गते देखि हाल सञ्चालनमा रहेका बुकिङ काउन्टरहरू हटाइने भएको छ । काउन्टर सञ्चालन गर्न महानगरमा दर्ता गराएर मात्रै सञ्चालन गर्न महानगरले उक्त निर्णय गरेको हो ।
लामो तथा छोटो दुरीमा सञ्चालन हुने यातायातका लागि काटिने टिकट काउन्टर दर्ता गरेर मात्र सञ्चालन गर्नु पर्ने भन्दै हटाउन खोजेको हो । सार्वजनिक सवारी साधनले तोकिएको मापदण्ड पुरा गर्नु पर्ने भन्दै महानगरले दर्ता प्रक्रियामा आउन आग्रह गरेको छ ।
जथाभाबी काउन्टर राख्दा ट्राफिक व्यवस्थापनमा समस्या भएको भन्दै सम्बन्धित वडा कार्यालयमा दर्ता गराएर मात्र सञ्चालन गर्न महानगरले सूचना जारी गरेको हो ।
