रविले गराए उम्मेदवारी दर्ता

चितवन । प्रतिनिधिसभा सदस्य निर्वाचनका लागि राष्ट्रिय स्वतन्त्र पार्टीका सभापति रवि लामिछानेले उम्मेदवारी दर्ता गरेका छन् । चितवन– २ बाट उनले उम्मेदवारी दर्ता गराएका हुन् ।

र्‍यालीसहित रास्वपाले उम्मेदवारी दर्ता गराएको हो । दिउँसो १ बजेदेखि ४ बजेसम्म दलहरूलाई उम्मेदवारी दर्ताका लागि समय दिइएको मुख्य निर्वाचन अधिकृतको कार्यालयले जनाएको छ ।

आगामी वैशाख १० गते उपनिर्वाचन हुँदैछ । गत मंसिर ४ गतेको निर्वाचनमा निर्वाचित रवी लामिछाने नागरिकतासम्बन्धी मुद्दामा सर्वोच्च अदालतको फैसलाबाट पदमुक्त भएपछि चितवन क्षेत्र नं. २ मा उपनिर्वाचन हुन लागेको हो ।

उम्मेदवारी दर्ताका लागि अन्य दलहरुले कदम चाल्दै छन् ।