- २८ जेष्ठ २०८३, बिहीबार / Jun 11, 2026
काठमाडौं । भारतमा गरिए राष्ट्रपति रामचन्द्र पौडेलको उपचार खर्च सरकारले ब्यहोर्ने भएको छ । गत बैशाख १९ गते राष्ट्रपति पौडेलले उपचार खर्च आफैं ब्यहोर्ने बताए पनि सरकारले नै व्यहोर्ने भएको हो । मन्त्रिपरिषदको निर्णय अनुसार परराष्ट्र मन्त्रालयले उक्त रकम निकासाका लागि अर्थमन्त्रालयलाई लेखेको पत्र समेत सावर्जजनिक भईसकेको छ ।
असार १२ गतेको मन्त्रिपरिषद वैठकले उपचारका लागि जाँदा आउँदाको खर्चदेखि अल इण्डिया मेडिकल कलेजमा उपचारमा भएको खर्च गरी ५५ लाख दुई हजार दुई सय ७९ रुपैयाँ व्यहोर्ने निर्णय गरेको हो । परराष्ट्र मन्त्रालयले अर्थलाई लेखेको पत्रमा राष्ट्रपति पौडेलसँग उहाँकी पत्नी सविता पौडेल, छोरा चिन्तन पौडेल, छोरीपट्टीका दुई नाति, शिष्टाचार महापाल, परराष्ट्रका अधिकृत, सुरक्षाकर्मी र सहयोगी समेत ११ जना दिल्ली गएको पनि उल्लेख छ ।
राष्ट्रपति पौडेल गत बैशाख ६ गते श्वास प्रश्वास सम्बन्धि उपचारकालागि हवाई एम्बुलेन्सबाट भारत जानु भएको थियो । वैशाख १७ गते उहाँ स्वदेश फर्कनु भएको थियो । सामाजिक संजालमा पौडेलेको चर्को आलोचना भएपछि उहाँका प्रेस सल्लाहकारहरुले भारतमा भएको उपचार खर्च राष्ट्रपति पौडेले आफैंले ब्यहोर्ने भन्दै विज्ञप्ति जारी गरेका थिए ।
