संक्रमित दोस्रो लहरको ‘हटस्पट’ भारत

काठमाडौँ । विश्वभर कोरोनाले मृत्यु हुनेको संख्या ३२ लाख नाघेको छ । विश्वभर कोरोनाले मृत्यु हुनेको संख्या ३२ लाख नाघेको हो । सबैभन्दा बढी संयुक्त राज्य अमेरिका प्रभावित भएको छ ।

हालसम्म अमेरिकामा पाँच लाख ९० हजार ७०४ जनाको मृत्यु भएको छ । ब्राजिलमा ४ लाख ६ हजार ५५६ जनाको मृत्यु भएको छ । मृतक र संक्रमित मेक्सिकोपछि भारत चौथो स्थानमा रहे पनि दोस्रो लहरको संक्रमणको ‘हटस्पट’ बनेको छ ।

भारत अहिले विश्वकै अतिप्रभावित मुलुकमा छ । त्यहाँ ३ लाख ९२ हजार ५६२ जनामा संक्रमण पुष्टि भएको छ । एकैदिन संक्रमण हुनेको यो संख्या अहिलेसम्मको धेरै हो । समाचार तयार पार्दासम्म भारतमा १ करोड ५९ लाख ८१ हजार ७७२ जना संक्रमणमुक्त भएका छन् । अब भारतमा सक्रिय संक्रमितको संख्या ३३ लाख ५२ हजार ३६१ छ ।