- ३० श्रावण २०८३, शनिबार / Aug 15, 2026
भक्तपुर । सूर्यविनायक नगरपालिका वडा नं १ को सिरुटार र वडा नंं को ४ दधिकोट जोड्ने चरखण्डी खोलामा पुल निर्माणको शिलान्यास गरिएको छ ।
नगर प्रमुख बासुदेव थापाले एक कार्यक्रमकाबीच पुलको शिलान्यास गरेका हुन ।
चारखण्डी खोला पुलको शिलान्यास भएसंगै नगरमा अब पुलको संख्या ५५ पुगेको छ । पुल नहुँदा वर्षातको समयमा यहाँका स्थानीयले सास्ती खेप्नुपरेको थियो । नगरपालिकाको ९८ लाख ९७ हजार लागत बजेटमा सो बक्स वृज पुल निर्माण गरिन लागिएको हो ।
पुलको ८.१ मिटर लम्बाई र ८.४ मिटर चौडाई रहेको छ । यही आर्थिक वर्षभित्र पुल निर्माण गरिसक्ने लक्ष्य लिइएको । जनप्रतिनिधि आएपछि सूर्यविनायकमा पर्ने चरखण्डी खोलामा मात्र ६ वटा पुल निर्माण भइसकेको स्थानीयले बताएका छन् ।
सूर्यविनायकमा पछिल्लो ६ वर्षमा साना र ठूला गरि ३५ वटा पुल निर्माण भएको पुल परामर्श दाता रुद्र प्रसाद काफ्लेले बताए । कार्यक्रममा वडा नंं १ का वडाध्यक्ष सानुकाजी कायस्थ, वडा नंं ४ का वडाध्यक्ष लछुराम न्यौपाने, साईट इनिजिनियर र स्थानीय र जनप्रतिनिधिहरुको बाक्लो सहभागिता रहेको थियो ।
