सुडानमा युद्धविरामको पालना भएन

एजेन्सी । ७२ घण्टे युद्धविराम गरेका सुडानमा सेना र अर्धसैनिक बलबीच युद्धविराम पालना नभएको जनाएको छ । अमेरिका र साउदी अरबको मध्यस्थतामा लडाइँ सुरु भएको दशौँ दिन बिहानदेखि ७२ घण्टे युद्धविरामको सहमति भएको भएको भए पनि सुडानको सेना र र्‍यापिड सपोर्ट फोर्सेस (आर.एस.एफ)बीच लडाइँ भैरहेको जनाइएको छ ।

वैशाख २ गतेदेखि दुई पक्षबीच सुरु भएको द्वन्द्वमा चार सय ६० जनाभन्दा धेरैले ज्यान गुमाएका छन् । युद्धमा ज्यान गुमाउनेको वास्तविक सङ्ख्या योभन्दा धेरै भएको अनुमान गरिएको छ ।

राष्ट्रसङ्घीय निकायले झण्डै दु्ई लाख सुडानी नागरिक सुरक्षाको खोजीमा छिमेकी देशमा पुगेका बताएको छ । युद्धविरामकैबीच राजधानी खार्तुमसहित विभिन्न शहरमा लडाइँ तथा विष्फोटका घटना भएका छन् ।