- ११ भाद्र २०८३, बिहीबार / Aug 27, 2026
धनगढी । कैलालीको भजनी नगरपालिका अविरल वर्षाका कारण जलमग्न भएको छ । वर्षाका कारण हजार भन्दा बढी नगरवासी प्रभावित भएको प्रहरीले जनाएको छ । भजनी नगरपालिका क्षेत्र बर्सेनि बाढीको समस्या झेल्दै आएको छ ।
यहाँको कन्द्रा, काँढा, पथरैया, मोहना नदीमा आउने बाढीले डुबान हुँदै आएको छ । हालसम्म एक हजार बढी घरधुरी प्रभावित भएकाले उनीहरूको उद्धारसँगै सुरक्षित स्थानमा सार्ने काम भइरहेको जनप्रतिनिधि र प्रहरीले जनाएको छ ।
कोही हुलाकी राजमार्गका साथै अन्य सुरक्षित स्थानमा पाल टाँगेर आश्रय लिइरहेका छन् । उद्धारमा र राहत सहयोगमा कुनै निकायले सहयोग नगरेको स्थानीयको गुनासो रहेको छ ।
