हिमालमा हराएका भारतीय आरोही भेटिए

काठमाडौं । अन्नपूर्ण हिमालको खोंचमा खसेर हराइरहेका भारतीय पर्वतारोही अनुराग मालू फेला परेका छन् । उद्धारकर्ताले उनलाई फेला पारेको भारतीय समाचारमाध्यमले जनाएका छन् ।

स्वास्थ्य अवस्था गम्भीर रहेकोले अस्पताल लगिएको छ । ३४ वर्षीय मालू राजस्थानको किशनगढका निवासी हुन् ।

तेस्रो शिविरबाट झर्दै गर्दा उनी ६ हजार मिटरको उचाइबाट खसेर हराएका थिए । सोमबार हराएका थिए । संसारको १०औं अग्लो हिमाल हो अन्नपूर्ण ।

मालूले ८ हजार मिटरभन्दा अग्ला १४ वटा हिमाल चढ्ने मिसन बनाएका थिए । त्यसैको शीलशीलामा उनी अन्नपूर्ण चढेका थिए ।