- १३ असार २०८३, शनिबार / Jun 27, 2026
काठमाडौं । प्रहरीले गुल्मीको धुर्कोट घर भई काठमाडौंको समाखुसी बस्ने ३२ वर्षका ईन्द्रबहादुर पछाईलाई कामका लागि स्लोभाकिया पठाइ दिन्छु भन्दै ३ जनासँगबाट ५ लाख रुपैयाँ ठगेको आरोपमा पक्राउ गरेको छ ।
काठमाडौं उपत्यका अपराध अनुसन्धान महाशाखा मिनभवनका प्रहरी उपरीक्षक कृष्णप्रसाद कोइरालाले निज पछाईले स्लोभाकिया जानका लागि ९ लाख रुपैयाँ लाग्छ र १ लाख ३० हजार रुपैयाँसम्म मासिक तलब हुन्छ भन्दै नवलपुरको कावासोती घर भई काठमाडौं बस्ने रोसन भण्डारीसहित ३ जनासँग ५ लाख रुपैयाँ लिएको ठगी गरेको बताए ।
उपरीक्षक कृष्णप्रसाद कोइरालाले पक्राउ परेका पछाईलाई थप अनुसन्धानका लागि वैदेशिक रोजगारी विभागमा पठाएको जानकारी दिए । उनले भने, ‘निज पछाईले स्लोभाकिया पठाई दिने र महिलाको १ लाख ३० हजार हुन्छ भनेर ३ जनाबाट करिब ९ लाख रुपैयाँ ठगेको भन्ने जानकारी आएपछि प्रहरी पक्राउ गरेर थप अनुसन्धानका लागि वैदेशिक रोजगारी विभागमा पठाएका छौं ।
