कर्णालीमा पोषणको आवश्यकता

कर्णाली । कर्णालीमा प्रदेश सरकारका मुख्यमन्त्री महेन्द्रबहादुर शाहीले पोषण शिक्षा आवश्यक्ता भएको बताएका छन् ।

नीति तथा योजना आयोग सुर्खेतले आयोजना गरेको बहुक्षेत्रीय पोषण योजनासम्बन्धी अभिमुखीकरण कार्यक्रममा उनले नागरिकले खाद्यान्नमा परिवर्तन ल्याउनुपर्नेमा जोड दिदै यस्तो बताएका हुन । कर्णालीमा कुपोषणले घेरेको र थुप्रै रोग संग कर्णालीले लड्नु परेकोले तालिम र प्रशिक्षण भन्दापनि पोषणसम्बन्धी जनस्तरसम्म शिक्षा चाहिएको बताए ।

कर्णालीबासीले भोक लागेपछि मात्र खाने अवस्था रहेकाले अब प्रदेशलाई नै कुपोषणमुक्त प्रदेश बनाउने खालको नीति, कार्यक्रम तथा बजेट निर्माण गरेर अघि बढ्नुको विकल्प नरहेको बताए ।

कार्यक्रममा प्रदेश योजना आयोगका उपाध्यक्ष डा सर्वजित खड्का, सङ्घीय मामिला तथा सामान्य प्रशासन मन्त्रालयका सहसचिव वसन्त अधिकारी र युनिसेफका नेपाल प्रतिनिधि प्रकाशचन्द्र जोशीले कर्णालीको पोषणसम्बन्धी अवस्थाका बारेमा बताएका थिए । कार्यक्रममा तथ्याङ्कीय प्रस्तुति पनि प्रस्तुत भएको थियो ।