- १४ असार २०८३, आईतवार / Jun 28, 2026
काठमाडौं । स्थानीय तहका निर्वाचन तयारी, रोकिएका १६ जिल्लाको अधिवेशन र म्याद गुज्रिएका भ्रातृ संस्थाको विषयमा छलफल गर्न नेपाली कांग्रेस केन्द्रीय कार्य सम्पादन समितिको बैठक बस्दै छ ।
बैठक पार्टी केन्द्रीय कार्यालय सानेपामा बस्दै छ । सरकारले आगामी ३० वैशाखमा स्थानीय तहको निर्वाचन गर्ने मिति तोकेपछि कांग्रेसले निर्वाचनसहित भ्रातृ संस्थाका विषयमा छलफल गर्न लागेको हो ।
बैठकअघि बुधबार कार्य सम्पादन समिति बैठकमा पेस गर्ने एजेन्डाका विषयमा छलफल गर्न भन्दै पदाधिकारी बैठक बसेको थियो ।
बैठकमार्फत कांग्रेस सभापति शेरबहादुर देउवाले स्थानीय तह निर्वाचनमा कसरी अघि बढ्ने भन्ने विषयमा कार्यसम्पादन समितिमा रहेका नेताहरूसँग राय सल्लाह लिने नेताहरुले बताएका छन् ।
