- ४ आश्विन २०८३, आईतवार / Sep 20, 2026
काठमाडौं । नेपाली कांग्रेसको संसदीय दलको बैठक बस्ने भएको छ । संसदीय दलको बैठक आइतबार मध्याह्न साढे १२ बजे बस्ने छ ।
राष्ट्रियसभा र प्रतिनिधिसभा कांग्रेस सांसदहरूलाई विभिन्न सात वटा एजेन्डामा केन्द्रित रहेर बोल्न समय दिइने छ ।
संसदको गतिरोध, प्रस्तावित विधेयकहरुलगायतका विषयमा सांसदहरुले धारणा राख्ने छन् ।
गत शुक्रबारको बैठकमा बोल्ने सांसदहरुले सरकार कांग्रेसप्रति पूर्वाग्रही भएको आरोप लगाएका थिए ।
सांसद सुनील शर्माको गिरफ्तारी र रिहाइको विषय आइतबारको बैठकमा पनि उठाइने भएको छ ।
संसदीय दलका नेता एवं पार्टी सभापति शेरबहादुर देउवाले बोलेपछि बैठक समापन गरिने बुझिएको छ ।
