- २४ आश्विन २०८३, शनिबार / Oct 10, 2026
काठमाडौं । काठमाडौंको बागबजारका धारा र ट्युवबेलको पानीबाट हैजा संक्रमण भएको पुष्टि भएको छ । पिउने पानीको नमुना परीक्षण गर्दा इकोली र कोलीफर्म नामक जीवाणु भेटिएको स्वास्थ्य विभाग अन्तर्गतको इपिडिमियोलोजी तथा रोग नियन्त्रण महाशाखाका निर्देशक डा. चुम्मनलाल दासले बताए ।
इकोली र कोलीफर्म मानिसको दिसामा रहने संक्रामक जिवाणु हो । उनले भने, ‘धारा र ट्युवबेलबाट आएको पानीको नुमना परीक्षण गरेका थियौं । रिर्पोटमा घातक जीवणु कोलोफर्म र इकोली नै भेटियो ।’ हैजा देखिएका अन्य क्षेत्रको पनि पानीको नमुना परीक्षण भइरहेको दासले बताए । अहिलेसम्म ५ जनामा हैजा पुष्टि भइसकेको छ ।
बुधबार डिल्लीबजारमा हैजाको नयाँ केस पुष्टि भएको महाशाखाले जनाएको छ । डा.दासले भने, ‘बागबजार तथा अन्य हैजा देखिएको ठाउँका मानिसलाई अलर्ट गरिसकेको छौं ।’केसहरु एक ठाउँमा मात्रै नभएर ठाउँ–ठाउँमा देखिएको छ ।
