कारागारका पाँच सय कैदीबन्दीलाई कोरोना संक्रमण पुष्टि

काठमाडाैं । पाँच सय कैदीबन्दीलाई सिराहाको कारागारमा कोरोना संक्रमण पुष्टि भएको छ । पाँच सय ९७ कैदीबन्दी र दुई आश्रित बालबालिका रहेको कारागारमा पाँच सय कैदीबन्दीलाई कोरोना संक्रमण पुष्टि भएको हो । पाँच सय ९७ कैदीबन्दी रहेको कारागारमा पाँच सयमा कोरोना संक्रमण देखिएको कारागार प्रशासनले जनाएको छ ।
संक्रमित महिला पुरुषलाई छुट्टाछुट्टै ठाउँमा राखिएको छ । साउनमा चोरी, ज्यान मार्ने उद्योगअन्तर्गत अदालतको आदेशमा पुर्पक्षका लागि कारागार पठाइएका लहान, धनगढी र भगवानपुरका चारजनाबाट थुनुवाबाट कारागारमा कोरोना संक्रमण फैलिएको आशंका गरिएको छ।

शनिबारसम्म कारागारका कैदीबन्दी र थुनुवामध्ये १७ महिला र चार सय ८१ पुरुषमा संक्रमण पुष्टि भएको कारागार प्रमुख बबिता महताले जाकारी दिनुभयो । डेढ र दुई वर्षका दुई बालबालिकामासमेत कोरोना संक्रमण देखिएको जनाइएको छ ।